Biləsuvar rayonu. Ərazisi - 1360 km2. Əhalisinin sayı - 105,1 min nəfər. Yaşayış məntəqələrinin sayı - 1 şəhər və 25 kənd. Əhali sıxlığı – 72 nəfər/km2. Iqtisadi rayon - aran (iqtisadi rayonu). Nəqliyyat vasitəsinin kodu - 12. Telefon kodu – 2529-5-xx-xx. Poçt kodu (Mərkəzi PŞ) - AZ 1300. Biləsuvar rayonu Azərbaycan Respublikasının zəngin tarixi keçmişi olan ərazilərdən biridir. Biləsuvarın qədimliyini sübut edən 10 arxeoloji abidə və orta əsrlərə aid olan memarlıq abidəsi olan Şəhriyar qalası hələ də öz tədqiqatlarını gözləyir. 1288-1290-cı illərdə Qızıl Ordu qoşunlarının Azərbaycana hücumu zamanı Elxani hökmdarı Arqun xanım (1282-1291) hərbi düşərgəsi Biləsuvarda idi. Azərbaycan Sovet Ensiklopediyasının ikinci cildində Biləsuvar rayonu haqqında verilmiş məlumatda qeyd edilir ki, "Biləsuvar, Piləsuvar - Azərbaycanda şəhər tipli orta əsr yaşayış məntəqəsidir. İran tarixçisi Həmdullah Qəzvininin məlumatına görə Biləsuvaı X əsrdə Büveyhi əmiri Piləsuvar saldırmışdır". XIV əsr feodal çəkişmələri nəticəsində tənəzzülə uğrayan Biləsuvar şəhəri 1828-ci il Türkmənçay müqaviləsinə əsasən iki hissəyə bölündükdən sonra bir hissəsi İranda qalmışdır. Rusiya imperiyası daxilin-də qalan hissəsinin əhalisi 1914-cü ildə Rusiya imperiyası cənub sərhədlərini keçilməz etdikdən sonra səhəddən 20-40 km kənarda ruslar üçün salınmış yaşayış məntəqələrinə və digər ərazilərə köçürülmüşdür. Nəticədə vaxtilə Rusiyadan köçürülmüş əhalinin məskun-lşdığı Puşkin qəsəbəsi mərkəz olmaqla 1930-cu ildə Biləsuvar rayonu təşkil edilmişdir. 1938-ci ildə Biləsuvar adı dəyişdirilərək Puşkin rayonu adlandırılmışdır. 1963-cü ildə ərazisi Cəlilabad rayonu ilə birləşdirilmiş, 1964-cü ildən isə yenidən müstəqil rayon olmuşdur. SSRİ dövləti dağıldıqdan sonra 1991-ci ildən onun tarixi adı özünə qaytarılaraq Biləsuvar adlandırılmışdı. Sabir Nəsiroğlu adlı müəllifdən şərq aləminin tarixini və mədəniyyətini öyrənən "Həmşəhri" cəmiyyəti tərəfindən nəşr olunmuş "Sehrli diyarın sirri" adlı qısaldılmış tarixi monoqrafiyasında və "Həməşəradan gələn səslər" kitabında Biləsuvarın taixi ilə bağlı maraqlı məlumatlar çoxdur. Müəllif tarixi mənbələrə istinad edərək yazır ki, Muğanda xəzərlər, massagetlər və s. tayfalarla yanaşı bilyər və suvarlar da yaşamışdır. O, belə bir nəticəyə gəlir ki, Biləsuvar iki tayfanın - bolqar və suvarların cəmlənib düşmən qarşısında qəhrəmancasına vuruşduğu yer mənasını verir. Daha sonra müəllif qeyd edir ki, "Atlı əsgərlərin və çaparların keçid yeri" toponimi Biləsuvarın toponiminə uyğun gəlir. Biləsuvar toponimin "Belə", "Su", "Var" sözlərindən yarandığını qeyd edənlər də var. Yerli əhali də bu fikrə daha çox üstünlük verir. Bu gün Biləsuvar müstəqil Azərbaycanın inkişaf etmiş yaşayış məntəqələrindən sayılır. Biləsuvar rayonu-nun ərazisi Muğan düzünün cənub-qərb və cənub hissəsini tutur. Ərazisi şimaldan İmişli rayonu ilə 53 km, şimal-qərbdən Saatlı rayonu ilə 23 km, Sabirabad rayonu ilə 20 km, şərqdən Salyan rayonu ilə 23 km, Neftçala rayonu ilə 4 km, cənubdan Cəlil-abad rayonu ilə 54 km, qərbdən isə İran İslam Republikası ilə 64 km məsafədə həmsərhəd olmaqla, ümumi sərhəd dairə-sinin uzunluğu 241 km-dir. Biləsuvar beynəl-xalq gömrük keçid məntəqəsi rayon ərazisində yerləşir. Rayonun ərazisi 1360 kv. kilometrdir. Tarixi araşdırmalar göstərir ki, Biləsuvar rayonunun ərazisindən keçən indiki Bolqar çayı kimi tanınan Biləsuvar çayı bir neçə adla adlandırılmışdır. İran ərazisində bu çayı cürbəcür - Şənbəçay, Adnabazarçay, Bəylər çayı, Şirinsu, Qələbə çayı və s. kimi adlandırmışlar. Amma rəsmi xəritələrdə bu çayın adı həmişə Bolqar çayı kimi göstərilir.
» » Nazirlər Kabinetinin hesabatında Deputat Bəhruz Məhərrəmovun çıxışının mətni

Nazirlər Kabinetinin hesabatında Deputat Bəhruz Məhərrəmovun çıxışının mətni


Bu gün  Milli Məclisin iclasında Nazirlər Kabinetinin hesabatı dinlənildi. İclasda Deputat Bəhruz Məhərrəmovun  yazılı formada təqdim etdiyi və hökumət qarşısında qaldırdığı məsələlərin əhatə olunduğu  çıxışının mətninini Sizinlə bölüşürük. 

    Hörmətli Sədr, cənab Baş nazir, əziz həmkarlar, dəyərli hökumət üzvləri.
   Əvvəlcə hər birinizi özümün və təmsil etdiyim 66 saylı Biləsuvar seçki dairəsi ərazisində yaşayan vətəndaşlarımızın adından İlaxır çərşənbə münasibəti ilə təbrik edirəm. Bu il nəhayət ki, Prezident İlham Əliyevin qətiyyəti, ordumuzun qəhramanlığı sayəsində bayramlarımızda bayram əhvalı var. Axır ki, torpaq çərşənbəsini işğaldan, təcavüzdən azad olunmuş müqəddəs torpaqlarımızda qeyd edirik. Düzdür erməni vandalizminin izləri - basdırılmış minalar hələ ki, insanlara bayramlarda ata-baba yurdlarına təhlükəsiz getməsinə imkan vermir, amma ötən gün ölkənin birinci ailəsinin işğaldan azad olunmuş rayonlarımıza növbəti səfəri elə hər bir qarabağlı ailəsinin bayramda ata-baba yurdunu ziyarət etməsi demək idi, həmçinin, bu səfərlə cənab İlham Əliyev o torpaqların əzəli və əbədi sahibinin kim olduğunu bir daha dünyaya göstərmiş oldu.

     Hökumətin hesabatına gəlincə, əlbəttə, yüksək qiymətləndirirəm. Nəzərə alsaq ki, 2020-ci il gərgin və fors-majorlar ili oldu, bu mənada cənab Prezidentin rəhbərliyi və şaxələndirilmiş fəaliyyət strategiyası əsasında göstərdiyi çevik reaksiyalara görə hökumətin işini yüksək qiymətləndirir və təbii ki, hesabata da müsbət münasibətimi ifadə edəcəyəm. 
Hesabatda bizim təkliflərimizə önəm verilməsi hakimiyyət qollarının səmərəli əməkdaşlığının nümunəsidir. Məni çox sevindirir ki, Biləsuvar şəhərində 1176 yerlik məktəb, Bağbanlar və Nəsimikənd məktəblərinin yenidən tikintisi, Bəydili, Səmədabad, Dərvişli kənd və  rayon internat məktəbin isə əsaslı təmiri yaxın 2 il ərzində artıq plana salınıb. Buna görə cənab Prezidentə, habelə, bu sahənin böyük hamisi Mehriban xanım Əliyevaya, o cümlədən hökumətə təşəkkür edirəm. Bütün bunlar onu göstərir ki, Cənab Prezidentin uğurlu strategiyasının nəticəsi olaraq problemlər fundamental olaraq həllini tapmaqdadır. Lakin həllini gözləyən vacib problemlər də var. Təbii Biləsuvarın ən böyük problemi su qıtlığıdır. Həm suvarma, həm də içməli su təminatında ciddi problemlər. Açıq deyim, kəndlərimiz var ki, bu gün də kanalların texniki suyundan evində içmək üçün istifadə edir. O da kanala su gələndən- gələnə. Bu mənada bu sahəyə hökumətimizin xüsusi diqqət ayırması, bölgəyə
yeni içməli su mənbəsinin çəkilməsi vacibdir.

    Habelə, rayonda Bolqarçay su anbarı, illərdir baxımsız, təmirsiz qalıb. Mən hörmətli Kənd təsərrüfatı nazirinin diqqətini cəlb etmək istəyirəm, Biləsuvar rayonunda əkilən sahələr hər il artır, hətta, örüş sahələri də əkilir, su mənbəyi dəyişmir, əksinə qlobal səbəblərdən azalmaqdadır. Bu mənada Bolqarçay su anbarının təmiri, yaxud, yeni sututarın yaradılması vacib vəzifədir. Nəzərə alaq ki, Biləsuvar pambıqçılıq rayonudur və normal su təminatı artıq məşğulluq probleminin də köklü həlli olacaq. Bu problem həll olunana qədər isə, cənab Baş nazir xahiş edirəm Biləsuvar rayonu üzrə sosial iş yerləri, habelə, özünüməşğulluq proqramı limitlərinin artırılması məsələsinə yardımçı olsanız.

    Bundan başqa, kəndlərdə internet, telefon, elektrik və yol infrastrukturunun yenilənməsinə ehtiyacımız var. Xüsusən, kənd yollarının onsuz da maddi cəhətdən böhran yaşayan bələdiyyələrin balansında olması, özünü yolların vəziyyətində göstərməkdədir. Bu mənada hökumətin müdaxiləsi və dəstəyi vacibdir. Həmçinin, Biləsuvar rayon Mədəniyyət mərkəzi, Tarix-diyarşünaslıq muzeyi, Musiqi məktəbi, eləcə də Yuxarı Cürəli, Ovçubərə, Ağayrı və Amankənd məktəblərinin binasının təmirə, Şəhər 6 saylı, Nərimankənd, Təzəkənd, Yuxarı-Ağalıkənd, Çaylı və Günəşlı məktəblərinin yenidən tikilməsinə zəruri ehtiyac vardır. Qaldırdığım məsələlərin yaxın illərdə həll ediləcəyinə də əminəm. Çünki gedişat, mövcud siyasi iradənin qayəsi bunu deməyə əsas verir.

    Təşəkkür edirəm.

torpaq
   Şərhlər: 0
Şərh yaz





  • MƏDƏNİYYƏT
  • IDMAN
  • HƏRBİ
  • KRİMİNAL