Biləsuvar rayonu. Ərazisi - 1360 km2. Əhalisinin sayı - 105,1 min nəfər. Yaşayış məntəqələrinin sayı - 1 şəhər və 25 kənd. Əhali sıxlığı – 72 nəfər/km2. Iqtisadi rayon - aran (iqtisadi rayonu). Nəqliyyat vasitəsinin kodu - 12. Telefon kodu – 2529-5-xx-xx. Poçt kodu (Mərkəzi PŞ) - AZ 1300. Biləsuvar rayonu Azərbaycan Respublikasının zəngin tarixi keçmişi olan ərazilərdən biridir. Biləsuvarın qədimliyini sübut edən 10 arxeoloji abidə və orta əsrlərə aid olan memarlıq abidəsi olan Şəhriyar qalası hələ də öz tədqiqatlarını gözləyir. 1288-1290-cı illərdə Qızıl Ordu qoşunlarının Azərbaycana hücumu zamanı Elxani hökmdarı Arqun xanım (1282-1291) hərbi düşərgəsi Biləsuvarda idi. Azərbaycan Sovet Ensiklopediyasının ikinci cildində Biləsuvar rayonu haqqında verilmiş məlumatda qeyd edilir ki, "Biləsuvar, Piləsuvar - Azərbaycanda şəhər tipli orta əsr yaşayış məntəqəsidir. İran tarixçisi Həmdullah Qəzvininin məlumatına görə Biləsuvaı X əsrdə Büveyhi əmiri Piləsuvar saldırmışdır". XIV əsr feodal çəkişmələri nəticəsində tənəzzülə uğrayan Biləsuvar şəhəri 1828-ci il Türkmənçay müqaviləsinə əsasən iki hissəyə bölündükdən sonra bir hissəsi İranda qalmışdır. Rusiya imperiyası daxilin-də qalan hissəsinin əhalisi 1914-cü ildə Rusiya imperiyası cənub sərhədlərini keçilməz etdikdən sonra səhəddən 20-40 km kənarda ruslar üçün salınmış yaşayış məntəqələrinə və digər ərazilərə köçürülmüşdür. Nəticədə vaxtilə Rusiyadan köçürülmüş əhalinin məskun-lşdığı Puşkin qəsəbəsi mərkəz olmaqla 1930-cu ildə Biləsuvar rayonu təşkil edilmişdir. 1938-ci ildə Biləsuvar adı dəyişdirilərək Puşkin rayonu adlandırılmışdır. 1963-cü ildə ərazisi Cəlilabad rayonu ilə birləşdirilmiş, 1964-cü ildən isə yenidən müstəqil rayon olmuşdur. SSRİ dövləti dağıldıqdan sonra 1991-ci ildən onun tarixi adı özünə qaytarılaraq Biləsuvar adlandırılmışdı. Sabir Nəsiroğlu adlı müəllifdən şərq aləminin tarixini və mədəniyyətini öyrənən "Həmşəhri" cəmiyyəti tərəfindən nəşr olunmuş "Sehrli diyarın sirri" adlı qısaldılmış tarixi monoqrafiyasında və "Həməşəradan gələn səslər" kitabında Biləsuvarın taixi ilə bağlı maraqlı məlumatlar çoxdur. Müəllif tarixi mənbələrə istinad edərək yazır ki, Muğanda xəzərlər, massagetlər və s. tayfalarla yanaşı bilyər və suvarlar da yaşamışdır. O, belə bir nəticəyə gəlir ki, Biləsuvar iki tayfanın - bolqar və suvarların cəmlənib düşmən qarşısında qəhrəmancasına vuruşduğu yer mənasını verir. Daha sonra müəllif qeyd edir ki, "Atlı əsgərlərin və çaparların keçid yeri" toponimi Biləsuvarın toponiminə uyğun gəlir. Biləsuvar toponimin "Belə", "Su", "Var" sözlərindən yarandığını qeyd edənlər də var. Yerli əhali də bu fikrə daha çox üstünlük verir. Bu gün Biləsuvar müstəqil Azərbaycanın inkişaf etmiş yaşayış məntəqələrindən sayılır. Biləsuvar rayonu-nun ərazisi Muğan düzünün cənub-qərb və cənub hissəsini tutur. Ərazisi şimaldan İmişli rayonu ilə 53 km, şimal-qərbdən Saatlı rayonu ilə 23 km, Sabirabad rayonu ilə 20 km, şərqdən Salyan rayonu ilə 23 km, Neftçala rayonu ilə 4 km, cənubdan Cəlil-abad rayonu ilə 54 km, qərbdən isə İran İslam Republikası ilə 64 km məsafədə həmsərhəd olmaqla, ümumi sərhəd dairə-sinin uzunluğu 241 km-dir. Biləsuvar beynəl-xalq gömrük keçid məntəqəsi rayon ərazisində yerləşir. Rayonun ərazisi 1360 kv. kilometrdir. Tarixi araşdırmalar göstərir ki, Biləsuvar rayonunun ərazisindən keçən indiki Bolqar çayı kimi tanınan Biləsuvar çayı bir neçə adla adlandırılmışdır. İran ərazisində bu çayı cürbəcür - Şənbəçay, Adnabazarçay, Bəylər çayı, Şirinsu, Qələbə çayı və s. kimi adlandırmışlar. Amma rəsmi xəritələrdə bu çayın adı həmişə Bolqar çayı kimi göstərilir.
» » Biləsuvar Rayon İcra Hakimiyyəti “GÖZƏL DİYAR – BİLƏSUVAR” adlı foto-sərgi müsabiqə elan edir
torpaq

Biləsuvar Rayon İcra Hakimiyyəti “GÖZƏL DİYAR – BİLƏSUVAR” adlı foto-sərgi müsabiqə elan edir


Biləsuvar Rayon İcra Hakimiyyəti “GÖZƏL DİYAR – BİLƏSUVAR” adlı foto-sərgi müsabiqəsinə start verib. 

"Bilesuvar.info"
həmin müsabiqəninin qaydaların təqdim edir:

"ƏZİZ BİLƏSUVARLILAR!

Biləsuvar rayonu Muğan düzündə yerləşən qədim diyardır. Biləsuvarlılar hər zaman tarixin bütün dövrlərində öz qəhrəmanlığı, zəhmətkeşliyi ilə seçilib, bu torpaq neçə-neçə alimlər, ziyalılar yetişdirib, dövlətinə sadiq, xalqına sədaqətlə xidmət edən gənclər yetişdirib, bu torpaq qəhrəmanlar yurdu, igidlər oylağıdır.
Biləsuvar xalqı hər zaman gücü torpaqdan alaraq böyüyüb, qəlblərində hər zaman torpaq, vətən sevgisini yaşadıblar.
Təsadüfi deyil ki, Biləsuvarlılar bu gün torpağa bağlı vətənpərvərlər yetişdirib, bu torpağın azadlığı və müstəqilliyi uğrunda zaman-zaman tarixin bizə yaşatdığı müharibələrdə məğrur döyüşüb, şəhid olublar.
Təsadüfi deyil ki, Biləsuvarlılar Azərbaycanın “ağ qızılı” sayılan PAMBIĞIN əvvəlki şöhrətini özünə qaytarmaq üçün torpağın hər qarışına alın təri axıdırlar.

ƏZİZ BİLƏSUVARLILAR!

Bildiyiniz kimi ilin əkin-biçin dövrü başlayır, proseslərə start verilir. Biləsuvarda tarlalar, çəmənlər yaşıl libasını geyinir. Kombaynlar, traktorlar öz fəaliyyətlərinə başlayır. Eləcə də yenicə qış fəslindən ayılan Biləsuvara ilin ən gözəl fəsillərindən olan yaz fəsli qədəm qoyub. Yazın aylı gecələrini, aydın sabahlarını, günəşli səhərini, yaşıl donlu tarlalarını, qocaman ağaclarını, uçan quşlarını, zəngin flora və faunasını və görmək istədiyiniz başqa gözəllikləri, innovativ görüntüləri kameranın yaddaşına köçürüb, Biləsuvarın bir gününü təqdim etmək imkanınız varsa, bu müsabiqə SİZİN üçündür.
Biləsuvar Rayon İcra Hakimiyyətinin elan etdiyi “GÖZƏL DİYAR - BİLƏSUVAR” adlı fotosərgi müsabiqəsinin şərtləri aşağıdakılardır:
Fotosərgiyə təqdim olunacaq şəkillər yalnız Biləsuvar rayonuna aid olmalıdır.
İştirakçılar fotoşəkilləri fotomusabiqe2021@gmail.com e-poçt ünvanına göndərməlidirlər.
Fotoları göndərən şəxsin adı, soyadı və əlaqə nömrəsini, fotonun çəkildiyi ərazini qeyd etməsi mütləqdir.
Fotoların ölçüsü barədə məhdudiyyət yoxdur.
Fotolar keyfiyyətli olmalıdır. (ən azı 3-5 MB).
Fotoların çəkilməsi zamanı istifadə olunan texnikaya məhdudiyyət yoxdur.
Təqdim olunmuş fotolar üzərində heç bir fotoredaktə proqramlarından istifadə olunmamalıdır.
Çəkilən fotoşəkillər yalnız yeni çəkilməlidir (əvvəlki dövrlərdə çəkilən olmamalı), müsabiqə yekunlaşana kimi heç bir yerdə paylaşılmamalıdır.
Müsabiqənin şərtlərinə uyğun olmayan şəkillər qəbul edilməyəcək.

Qaliblərin seçilməsi qaydaları:
Seçim facebook platforması üzərindən https://www.facebook.com/Bilesuvarrayonu səhifəsində bəyənmələr (LİKE) və Paylaşmalar (SHARE) vasitəsilə olduğu üçün nəticələri izləmə şansınız olacaq.
Bir şəkil hər hesabdan bir dəfə paylaşılmalıdır.
Müsabiqədə yaşından, cinsindən, statusundan, yaşadığı ünvandan asılı olmayaraq hər bir biləsuvarlı iştirak edə bilər.
Fotoşəkillərin qəbulu 01 may 2021-ci il saat 12:00-dan başlayır, 18 may 2021-ci il saat 12:00-da bitir.
Göndərilən fotoşəkillər 19 may 2021-ci il saat 12:00-dan Biləsuvar Rayon İcra Hakimiyyətinin səhifəsində yerləşdiriləcək və səsverməyə start veriləcək, səs vermə 21 may 2021- ci il saat 12:00-da bitəcək.
Qaliblər 22 may – Beynəlxalq Biomüxtəliflik Günü ilə əlqədar keçiriləcək foto-sərgidə elan ediləcək.

Qalibləri nə gözləyir
İlk üç yerin sahibi Fəxri Fərmanlar, qiymətli və sürpriz hədiyyələr ilə mükafatlandırılacaqdır.
Ən çox bəyənmə alan "22 şəkil" 22 May Beynəlxalq Bio-müxtəliflik Günü ilə əlaqədar Mərkəzi Parkın stadionunda sərgilənəcək.
İlk üç qalibdən sonra ən çox bəyənmə alan 12 şəkil 2022-ci ilin Biləsuvar rayonu adlı təqvim albomunda əks olunacaq.
Müsabiqənin sonunda ilk 3 yerə layiq görülən şəkillərin ilk birincisinin (hər hansı bir ərazi massivində çəkilmiş şəkil) sahibi ilə şəklin çəkildiyi məkanda çay süfrəsi arxasında görüş keçiriləcək.
Eyni zamanda ilk üçlüyə daxil olan şəkillər müəllifləri göstərilməklə rəssamlar tərəfindən rayonun müxtəlif küçə, prospekt və bina divarlarında graffiti işləniləcək.

Əlavə suallarınızı fotomusabiqe2021@gmail.com e-poçt ünvanına göndərə bilərsiz.

Bütün "düşünən beyinləri", "bacarıqlı əlləri" müsabiqədə iştirak etməyə dəvət edirik!

QALİB OL VƏ RƏSMİNİ DİVARDA SEYR ET!"

XƏBƏRLƏR ŞÖBƏSİ
   Şərhlər: 0
Şərh yaz




  • MƏDƏNİYYƏT
  • IDMAN
  • HƏRBİ
  • KRİMİNAL