Biləsuvar rayonu. Ərazisi - 1360 km2. Əhalisinin sayı - 105,1 min nəfər. Yaşayış məntəqələrinin sayı - 1 şəhər və 25 kənd. Əhali sıxlığı – 72 nəfər/km2. Iqtisadi rayon - aran (iqtisadi rayonu). Nəqliyyat vasitəsinin kodu - 12. Telefon kodu – 2529-5-xx-xx. Poçt kodu (Mərkəzi PŞ) - AZ 1300. Biləsuvar rayonu Azərbaycan Respublikasının zəngin tarixi keçmişi olan ərazilərdən biridir. Biləsuvarın qədimliyini sübut edən 10 arxeoloji abidə və orta əsrlərə aid olan memarlıq abidəsi olan Şəhriyar qalası hələ də öz tədqiqatlarını gözləyir. 1288-1290-cı illərdə Qızıl Ordu qoşunlarının Azərbaycana hücumu zamanı Elxani hökmdarı Arqun xanım (1282-1291) hərbi düşərgəsi Biləsuvarda idi. Azərbaycan Sovet Ensiklopediyasının ikinci cildində Biləsuvar rayonu haqqında verilmiş məlumatda qeyd edilir ki, "Biləsuvar, Piləsuvar - Azərbaycanda şəhər tipli orta əsr yaşayış məntəqəsidir. İran tarixçisi Həmdullah Qəzvininin məlumatına görə Biləsuvaı X əsrdə Büveyhi əmiri Piləsuvar saldırmışdır". XIV əsr feodal çəkişmələri nəticəsində tənəzzülə uğrayan Biləsuvar şəhəri 1828-ci il Türkmənçay müqaviləsinə əsasən iki hissəyə bölündükdən sonra bir hissəsi İranda qalmışdır. Rusiya imperiyası daxilin-də qalan hissəsinin əhalisi 1914-cü ildə Rusiya imperiyası cənub sərhədlərini keçilməz etdikdən sonra səhəddən 20-40 km kənarda ruslar üçün salınmış yaşayış məntəqələrinə və digər ərazilərə köçürülmüşdür. Nəticədə vaxtilə Rusiyadan köçürülmüş əhalinin məskun-lşdığı Puşkin qəsəbəsi mərkəz olmaqla 1930-cu ildə Biləsuvar rayonu təşkil edilmişdir. 1938-ci ildə Biləsuvar adı dəyişdirilərək Puşkin rayonu adlandırılmışdır. 1963-cü ildə ərazisi Cəlilabad rayonu ilə birləşdirilmiş, 1964-cü ildən isə yenidən müstəqil rayon olmuşdur. SSRİ dövləti dağıldıqdan sonra 1991-ci ildən onun tarixi adı özünə qaytarılaraq Biləsuvar adlandırılmışdı. Sabir Nəsiroğlu adlı müəllifdən şərq aləminin tarixini və mədəniyyətini öyrənən "Həmşəhri" cəmiyyəti tərəfindən nəşr olunmuş "Sehrli diyarın sirri" adlı qısaldılmış tarixi monoqrafiyasında və "Həməşəradan gələn səslər" kitabında Biləsuvarın taixi ilə bağlı maraqlı məlumatlar çoxdur. Müəllif tarixi mənbələrə istinad edərək yazır ki, Muğanda xəzərlər, massagetlər və s. tayfalarla yanaşı bilyər və suvarlar da yaşamışdır. O, belə bir nəticəyə gəlir ki, Biləsuvar iki tayfanın - bolqar və suvarların cəmlənib düşmən qarşısında qəhrəmancasına vuruşduğu yer mənasını verir. Daha sonra müəllif qeyd edir ki, "Atlı əsgərlərin və çaparların keçid yeri" toponimi Biləsuvarın toponiminə uyğun gəlir. Biləsuvar toponimin "Belə", "Su", "Var" sözlərindən yarandığını qeyd edənlər də var. Yerli əhali də bu fikrə daha çox üstünlük verir. Bu gün Biləsuvar müstəqil Azərbaycanın inkişaf etmiş yaşayış məntəqələrindən sayılır. Biləsuvar rayonu-nun ərazisi Muğan düzünün cənub-qərb və cənub hissəsini tutur. Ərazisi şimaldan İmişli rayonu ilə 53 km, şimal-qərbdən Saatlı rayonu ilə 23 km, Sabirabad rayonu ilə 20 km, şərqdən Salyan rayonu ilə 23 km, Neftçala rayonu ilə 4 km, cənubdan Cəlil-abad rayonu ilə 54 km, qərbdən isə İran İslam Republikası ilə 64 km məsafədə həmsərhəd olmaqla, ümumi sərhəd dairə-sinin uzunluğu 241 km-dir. Biləsuvar beynəl-xalq gömrük keçid məntəqəsi rayon ərazisində yerləşir. Rayonun ərazisi 1360 kv. kilometrdir. Tarixi araşdırmalar göstərir ki, Biləsuvar rayonunun ərazisindən keçən indiki Bolqar çayı kimi tanınan Biləsuvar çayı bir neçə adla adlandırılmışdır. İran ərazisində bu çayı cürbəcür - Şənbəçay, Adnabazarçay, Bəylər çayı, Şirinsu, Qələbə çayı və s. kimi adlandırmışlar. Amma rəsmi xəritələrdə bu çayın adı həmişə Bolqar çayı kimi göstərilir.
O, Tovuz döyüşlərindən sonra səngərə qayıtmışdı... - FOTOLAR

O, Tovuz döyüşlərindən sonra səngərə qayıtmışdı... - FOTOLAR

Biləsuvarın Ağalıkənd kəndi Vətən müharibəsində 6 şəhid verib. Neçə-neçə qəhrəman oğulları döyüşlərdə sağlamlığını itirib. "Bilesuvar.info" xəbər verir ki, onlardan biri, Məmmədov Rəşad Telman oğlu 1986-cı ilin 24 oktyabırında anadan olub. Ağalıkənd tam orta məktəbini bitirdikdən sonra, həqiqi
Bir ailənin vətən eşqi - Fotolar

Bir ailənin vətən eşqi - Fotolar

Abdullayevlər ailəsi Biləsuvar şəhərində yaşayır, ailə başçısı mərhum Abdulla kişinin halal süfrəsində böyüyən övladlarından Əlövsət Abdullayev 3 oğul atasıdır.
Atası kimi o, da Vətən üçün döyüşdü, qələbəylə geri döndü - FOTOLAR

Atası kimi o, da Vətən üçün döyüşdü, qələbəylə geri döndü - FOTOLAR

Vətən müharibəsinin qəhrəman oğullrından da biri Rüstəm Rafiq oğlu Teymurovdur. Bilesuvar.info xəbər verir ki, o, 2001-ci ilin aprelin 23-də Biləsuvar şəhərində anadan olub. Biləsuvar şəhər Nizami adına 1 saylı tam orta məktəbi bitirib. 2019-cu ilin aprel ayında həqiqi hərbi xidmətə yollanıb.
Qazi Şahhüseynov Xəzər Oktay oğlu əməliyyat olundu

Qazi Şahhüseynov Xəzər Oktay oğlu əməliyyat olundu

Qazi Şahhüseynov Xəzər Oktay oğlu Azərbaycan Respublikası ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarını və texnikasını məhv etməklə qoşunlarımızın döyüş qabiliyyətinin qorunub saxlanılmasında fərqləndiyinə görə
Qazi-Əhmədzadə Mübariz Təhmiraz oğlu

Qazi-Əhmədzadə Mübariz Təhmiraz oğlu

Əhmədzadə Mübariz Təhmiraz oğlu 02.02.2002ci ildə Biləsuvar rayon Xırmandalı kəndində anadan olmuşdur.Bir çox ölkələrdə İranda, Rusiyada başqa yerlərdə idman yarışlarında 1-ci,2-ci yeri tutmuşdur.2020ci ildə aprel ayında hərbi xidmətə çağırılmışdır.Sentyabr ayının 27-si döyüşlər zamanı ağır qəlpə
Qarabağ veteranı-Kərimov Ənvər Yolçu oğlu

Qarabağ veteranı-Kərimov Ənvər Yolçu oğlu

I Qarabağ müharibəsi veteranı Kərimov Ənvər Yolçu oğlu Agdərə. Fizuli .Agdam istiqamətində gedən döyuşlərdə iştirak edib. 161-704-741 saylı hərbi hisələrdə xidmət etmişdir.